Um vef Ennisættarinnar
Vefurinn var settur upp fyrir ættarmótið 2000. Hann er
niðurstaðan af þeirri hugmynd að taka saman niðjatal og gefa út.
Undirritaður hafði sýnt nokkurn áhuga á að vinna slíka
samantekt en það var þó ekki fyrr en með eindreginni hvatningu
frá móður hans, Unni
Rögnvaldsdóttur, og loforði við hana að hann hófst
handa. Byrjað var á að setja upp áætlun fyrir ættarmótið 1995
og safna gögnum á því móti og fengust gögn frá allmörgum
ættingjum. Úrvinnsla og frekari öflun gagna og hönnun vefs hófst
síðan ekki að marki fyrr en í júní 2000.
Póstlisti
vefsins heldur utan um þá sem skrá sig á listann og með
honum er hægt að ná til allra skráðra ættingja og senda þeim
fyrirspurnir, tilkynningar eða aðrar orðsendingar. Það er kappsmál
að ná með póstlistanum til sem flestra ættingja.
Vefurinn er í smíði og t.d. vantar enn mikið inn í
niðjatalið, en hugmyndin er að vinna þetta smátt og smátt eftir
því sem færi gefst.
Kostir vefs umfram bók eru margir. Auðvelt er að
leiðrétta og bæta við atriðum og efni sem ekki er hægt með
bókarformið. Þá opnast ýmsar leiðir með samskipti ættingja,
t.d. um póstlista. Ókostirnir eru helst að oft er þægilegra að
lesa af bók en skjá. Eins hafa ekki allir tæki til að skoða
vefsíður, en þróunin er þó sú að fleiri og fleiri komi sér
upp búnaði og því er spáð að innan fárra ára verði tæki til
að ná inn á netið komin á nánast öll heimili landsins.
Umsjón og smíði vefsins:
Magnús Gíslason
Sími 899 4415
E-mail: magnusgi@isholf.is og ennisaett@simnet.is
|