  Bikarhafi
2000
Björn G. Ólafsson
er klúbbmeistari
1999-2000
Frá klúbbforseta
Í venjubundnu hófi við lok síðasta móts vetrarins gerði forseti
að vanda grein fyrir helstu viðburðum og niðurstöðum starfsársins og
afhenti nýjum klúbbmeistara, Birni G. Ólafssyni, hinn
eftirsóknarverða Barðabikar við að
sjálfsögðu dúndrandi
lófaklapp og fögnuð flestra hinna klúbbfélagana.
 Meðan
á hinu æsispennandi lokamóti stóð gerði forseti jafnharðan grein
fyrir stöðu tveggja efstu manna vetrarins, þeirra Björns og
Jörundar, og svo fór að þegar þeir settust andspænis hvorum
öðrum í lokaumferð mótsins þurfti Björn að vinna skákina til
að öðlast meistaratitilinn, en Jörundi nægði jafntefli. Jörundur
stillti upp árásarstöðu með hvítu, en með skiptamunsfórn náði
Björn sterkri peðastöðu á miðborðinu með miklum
vinningsmöguleikum. Eftir uppskipti reyndi Björn að koma tveimur
peðum upp í borð með aðstoð hróks gegn einum hróki Jörundar.
Eftir nokkra leiki fram og til baka þar sem Birni yfirsást einföld
vinningsleið aftur og aftur reyndi hann nýja leið án þess að átta
sg á að hún leiddi beint til jafnteflis. Með pálmann í höndunum
fataðist hins vegar Jörundi illilega, því hann gat skipt upp á
öllum mönnum og náð jafntefli og þar með bikarnum.
  Í
ákafanum við að drepa síðasta peð Björns gaf Jörundur hrók sinn
og stóð nú allt í einu uppi með kónginn beran gegn hróki Björns.
Þar með var Björn kominn með bikarinn í hendur sínar. Ekki er
ástæða til að hrósa taflmennsku þessara tveggja efstu manna
vetrarins þetta kvöld og allra síst í lokaorrustunni. Forseti gerði
að einhverjum ástæðum lítið úr sigri efsta manns mótsins að
þessu sinni, hann sagði sigur sigurvegara kvöldsins ekki skipta neinu
máli og urðu efstu menn mótsins að sætta sig við það. Skálað
var fyrir sigurvegara vetrarins, Birni G. Ólafssyni, og ýmsum öðrum,
þ.á.m. keppinauti Björns um bikarinn, Jörundi. Forseti veitti m.a.
viðurkenningu fyrir ástundun, en hún kom í hlut Stefáns og einnig
fékk Hannes viðurkenningu af svipuðu tagi þar sem hann að auki hafi
þurft um langan veg að fara til móta vetrarins.
Að ræðum og athöfnum loknum frestaði forseti
starfsemi klúbbsins fram til fyrsta þriðjudags í september síðar
á þessu ári 2000.
Frásögn heimssíðunnar
Lokastaðan starfsárið 1999-2000
Tafla frá Eggerti og umröðuð af heimasíðu
Lokaumferðin 30. maí 2000
hjá Jóni Gunnar
Þá er aðeins lokamótið eftir, en það verður að óbreyttu
haldið 30. maí á Stokkseyri hjá Jóni Gunnari. Að vanda
mun þá forseti afhenda Barðabikarinn við hátíðlega
athöfn að aflokinni síðustu umferð um leið og hann gerir
nánari grein fyrir lokaúrslitum vetrarins. Síðan mun
hann fresta starfsemi klúbbsins til fyrsta þriðjudags
í september 2000. : Í samtali frá Kýpur sl. laugardagskvöld var form-
lega staðfest að lokamótið verður á Stokkseyri annað kvöld kl. 20.
Viljið þið staðfesta hvort þið komið eða ekki. Þau [á Stokkseyri] vildu
gjarnan vita með fyrirvara u.þ.b. hvað margir kæmu ... Svo er ekki
ólíklegt að menn vilji troða sér í tiltölulega fáa bíla. Ég get komið
á mínum og tekið tvo til þrjá farþega auk Sigurðar. Ég miða við að
leggja í hann austur um sjöleytið.
Með kveðju,
BÞ
: Eins og allir vita er Björn Ólafsson með 69,71%
vinninga fyrir síðasta kvöldið og hefur teflt 340 skákir. Jörundur er
með 69,54% og hefur teflt 412 skákir. Ekki er ósennilegt að þeir keppi-
nautarnir verði dálítið óstyrkir annað kvöld, enda mikið í húfi. Gefum
okkur að tefldar verði 18 umferðir. Verði sú raunin að þeir félagarnir
nái aðeins 9 vinningum hvor fær Björn 68,715%, en Jörundur 68,721% og
vinnur bikarinn. Fái Björn á hinn bóginn 12,5 vinninga og standi eftir
veturinn með 69,69% vinningshlutfall þarf Jörundur 13,5 vinninga til
vetrasigurs (69,77%), en 13 vinningar gefa aðeins 69,65% og þá er bikar-
inn Björns. Það lítur út fyrir góða þátttöku. Fari svo sem er hugsanlegt
en ekki líklegt að þátttakendur verði 11 munu aðeins verða tefldar 10
umferðir með 7 mínútna umhugsunartíma. Slík þátttaka yrði vatn á myllu
Björns og hann gæti unnið bikarinn þótt hann fengi einum vinningi minna
en Jörundur. Til að svo færi þyrfti Björn þó 8,5 vinninga af 10.
Með kveðju,
BÞ
Björn með óbreytt forskot á Jörund
spennan nú þegar aðeins lokamótið er eftir er
sú sama og áður
Staða efstu manna fyrir lokaumferð er óbreytt frá
því síðast þar sem hvorugur þeirra Björn eða Jörundur sáu sér
fært að mæta í næst síðasta mótið þann 23. maí, báðir
hafandi fyrir fjarveru sinni óvenjulegar eða hinar undarlegustu
afsakanir. Eins segir og útreikningar reiknivers sýna, þá haggast
ekki hlutföll þessara tveggja efstu manna:
00:05:24
Tafla frá Eggerti, endurröðuð af heimasíðu
Mótið 23. maí
hjá Barða
00:05:24
Tafla og orðsending frá Barða
Björn með prósentubrots forskot á Jörund
hámarks spenna nú þegar tvö mót eru eftir
Staðan fyrir tvær síðustu umferðir vetrarins er sú að
Björn er 0,2% yfir Jörundi í vinningahlutfalli með 69,7% á meðan
Jörundur hefur 69,5%. Erfitt reyndist að fá álit þeirra tveggja á
stöðunni þar sem þeir eru báðir móðir mjög og vart viðmælandi
vegna spennunnar. "Ég vissi að þetta gæti alltaf oltið á
lögfræðinni", sagði einn lögspekingurinn í klúbbnum,
"sá sem er harður á lögfræðinni getur við aðstæður sem
þessar þakkað hörkunni og þráanum í sér nái hann að merja
sigur". Lögspekingurinn vildi þó taka fram að hann teldi hvorki
Björn eða Jörund hafa einhverja sérstöðu í þessum efnum heldur
meinti hann þetta bara svona almennt.
Í töflunni að neðan, sem var að berast
heimasíðunni, má sjá stöðuna nánar:
Ljóst er að það verður annað hvort Jörundur eða Björn
sem mun
taka við Barðabikarnum að lokinni síðustu umferð vetrarins þann
30. maí, en bikarinn hefur verið á Hringbrautinni í
Hafnarfirði um all nokkurt skeið þar sem Björn heitinn Lárusson hafði
haldið honum af öryggi síðastliðin ár.
00:05:17
Tafla frá Eggerti, endurröðuð af heimasíðu
Frá skákkvöldi 16. maí
hjá Eddu og Sigurbirni í minningu Björns R.
Lárussonar
00:05:17
Tafla og sleggjudómar frá Barða
Átökin milli Björns og Jörundar um bikarinn harðna
Björn Ólafsson sló Jörundi við í mótinu 16.
maí og er nú beðið með spennu eftir lögmætum útreikningum sem
sýna hvor þeirra stendur betur í lokarimmunni. Taflan verður birt
hér um leið og hún berst heimasíðunni. Barði sendi inn leiðrétta
töflu yfir stöðuna 9. maí og er hún hér að neðan í stað fyrri
töflu frá Jörundi.
Staðan fyrir þrjár síðustu umferðir vetrarins er sú að
Jörundur er efstur með hlutfallið 70,25% en fast á hæla honum kemur Björn Ólafsson með
69,35%. Björn gæti
hugsanlega
komist fram úr Jörundi með auðveldum hætti nái hann að standa sig örlítið betur á
lokasprettinum en Jörundur. Skýringin liggur í því að hver
vinningur hjá Birni telur meira hlutfallslega en hjá Jörundi vegna færri skáka
Björns í heild. Baráttan um efsta sætið er því á
milli þessara tveggja og koma aðrir ekki til greina.
Ljóst ætti því að vera að annað hvort Jörundur eða Björn mun
taka við Barðabikarnum að lokinni síðustu umferð vetrarins þann
30. maí, en bikarinn hefur verið á Hringbrautinni í
Hafnarfirði um all nokkurt skeið þar sem Björn heitinn Lárusson hafði
haldið honum af öryggi síðastliðin ár.
Frá Barða:
Tafla frá Barða byggð á reiknistofu Eggerts og
endurröðuð af heimasíðu
Lokarimman stendur nú sem hæst
Staðan fyrir þrjár síðustu umferðir vetrarins er sú að
Jörundur er efstur með hlutfallið 70,3% en fast á hæla honum kemur Björn Ólafsson með 69,4%. Björn gæti
hugsanlega
komist fram úr Jörundi með auðveldum hætti nái hann að standa sig örlítið betur á
lokasprettinum en Jörundur. Skýringin liggur í því að hver
vinningur hjá Birni telur meira hlutfallslega en hjá Jörundi vegna færri skáka
Björns í heild. Baráttan um efsta sætið er því á
milli þessara tveggja og koma aðrir ekki til greina.
Ljóst ætti því að vera að annað hvort Jörundur eða Björn mun
taka við Barðabikarnum að lokinni síðustu umferð vetrarins þann
30. maí, en bikarinn hefur verið á Hringbrautinni í
Hafnarfirði um all nokkurt skeið þar sem Björn heitinn Lárusson hafði
haldið honum af öryggi síðastliðin ár.
Staðan í heild er
nú þessi:
Tafla frá Jörundi
Frá skákkvöldi 9. maí
hjá Bjarna Ólafssyni
Tafla frá Barða
Síðast breytt:
12.09.2002
Webmaster
|
