B a r ð a k l ú b b u r i n n

Barðabikarinn
Handhafi bikarsins er klúbbmeistari hvers árs

 
[ Aðalsíða ] [ Barðabikarinn ] [ Pósthús ] [ Albúmið ] [ Fyrri starfsár ]

Barðaklúbburinn varð til snemma á áttunda áratug síðustu aldar og verðskuldar aldurs vegna og stöðugleika að teljast með virðulegri heimahúsaklúbbum. Starfsemin er á höfuðborgarsvæðinu en nær þó einnig til öfluga félagsmanna í hinum landshornunum. Teflt er í heimahúsum reglulega einu sinni í viku frá fyrsta þriðjudag í september til síðasta þriðjudags í maí næsta ár. Stjórnun er öll í höndum ævarandi forseta klúbbsins og hefur honum farnast í störfum sínum með eindæmum vel. Almennir félagar þurfa til dæmis ekki að hafa áhyggjur af stefnumótun eða starfsáætlunum, mótsstjórn eða töfluhaldi, staðarvali móta eða dómum í ágreiningsmálum. Þess í stað tefla þeir af þeim mun meiri gleði, kappi og ánægju, þökk sé forseta klúubbsins.

Um Barðabikarinn hefur verið teflt frá árinu 1988. Bikarinn er með hefðbundnu lagi og er nafn hans grafið með áberandi hætti á framhliðina. Bikarinn stendur á stöpli úr rauðgulu marmaralíki og á stöpulinn eru festar litlar silfurplötur sem í eru greipt nöfn bikarhafa hvers árs. Bikarinn var framlag Björns heitins Lárussonar og Eggerts Lárussonar til klúbbsins á sínum tíma. Tilgangurinn með bikarnum er að skerpa baráttuvilja félagsmanna, gera keppni alla betur markvissa og árangur eftirsóknarverðan. Ekki er að efa að bikarinn hefur haft jákvæð áhrif á taflmennsku flestra klúbbfélaganna og gert keppni alla skemmtilegri.