Úr sögu Barðaklúbbsins

| Um | Upphaf | Félagar | Mótin | Vinningar | Fjöldatölur | Bikarslagur | Látnir |

Barðaklúbburinn er rótgróinn skákklúbbur sem hefur verið starfandi í rúma fimm áratugi. Í byrjun hófu nokkrir kunningjar að tefla hraðskák í heimahúsum en brátt voru haldin mót reglulega þar sem skólafélagar í HÍ urðu áberandi þátttakendur. Síðan komu til sögunnar liðsmenn úr fleiri áttum og ýmsar mannabreytingar hafa því orðið á öllum þessum langa tíma. Síðustu áratugi hefur mátt telja ákveðinn hóp með nokkuð fasta og góða mætingu til reglulegra félaga klúbbsins. Starfsemin er á höfuðborgarsvæðinu en segja má að hún nái einnig til nokkurra fyrrum félaga í öðrum landshlutum, en þeir mæta þá ekki nema einstöku sinnum. Starfsár klúbbsins er frá septemberbyrjun til loka maí. Undanfarna fjóra áratugi hefur verið teflt á þriðjudagskvöldum og segir þar til gerð mótaáætlun hvar teflt er hverju sinni.

Einn er sá sem heiður á af því að hafa haldið utan um starfsemina nánast frá fyrstu tíð. Félagarnir meta frábæra stjórnun hans mikils og hafa því nefnt klúbbinn í höfuðið á honum.

Síðast uppfært: 6. nóv. 2023