Látnir félagar

| Um | Upphaf | Félagar | Mótin | Vinningar | Fjöldatölur | Bikarslagur | Látnir |

Hér er minnst þriggja látinna félaga sem voru um langt skeið afar virkir í klúbbnum og áttu mörg mót á sínum tíma.

Jón Gunnar Ottósson 1950-2023

Þótt Jón Gunnar hafi lítið tekið þátt í mótum síðustu tvo áratugina er alltaf litið á hann sem einn af helstu félögunum klúbbsins. Hann var í rauninni félagi númer eitt þar sem hann stóð að stofnun klúbbsins í upphafi. Jón var mjög virkur frá byrjun og næstu áratugina.

Það leyndi sér aldrei hinn ákafi baráttuvilji Jóns og oftast þótti félögunum hans ánægjulegt að takast á við hann.

Hlynur Þór Magnússon 1947-2017

Hlynur var einn af upphafsmönnum klúbbsins. Hann var virkur félagi fyrsta áratuginn þar til hann flutti vestur og stundaði þar kennslu og blaðamennsku. Jafnframt lagði hann taflmennskuna því miður að mestu á hilluna. 

Björn R. Lárusson 1942-1999

Björn lést síðla árs 1999. Hann var virkur félagi í klúbbnum í nær tvo áratugi og var sá sem oftast hafði unnið bikarinn frá því hann kom til sögunnar 1988, eða alls 5 sinnum.

Myndin er af ljósmynd og er tekin á heimili Björns þegar Edda og Sigurbjörn buðu til móts í maí 2000.

Síðast uppfært: 6. maí 2025